حانَ الوقتُ
لتغيير قواعد العمل

تطبيقٌ مطوّر يغني عن مجموعات الواتس - بطريقةٍ منظّمة واحترافيّة. بدل الفوضى والرسائل اللي بتضيع، كلّ شي مرتّب ويوصل للمناسب وحده.

لا. هو بين الزملاء أنفسهم - أداة تنسيقٍ تعاونيّة.

عندك زبون وما إنت فاضي؟ تأمّنه مع زميلك بضغطة زرّ. والعكس - زميلك مشغول وبدّو يأمّن، إنت تستفيد. من زميلٍ لزميل، نخدم بعضنا.

ما بياخد أرقام زبائن بتاتاً، وما بيحفظ أيّ معلومةٍ عنهم. خصوصيّة زبونك تبقى عندك وحدك.

نعم. كلّ الاتصالات مشفّرة، وبياناتك محميّة. للتفاصيل الكاملة، سياسة الخصوصيّة منشورة:

🔒 limo-jo.com/privacy-policy.html

اللي بترفعه (رقم هاتفك، إيميلك، صورتك الشخصيّة، صورة السيّارة، رخصة القيادة والرخصة) - نطلبه فقط للتحقّق إنّك سائق ليموزين مؤهّل، ويُستخدم داخل التطبيق لا غير.

سياسات Apple و Google Play تمنع منعاً باتّاً أيّ استخدامٍ خارج هذا الإطار، وما يمكن نطلب منك شي إلا بإذنك. عند الدخول أوّل مرّة، فيه نظام إفصاحٍ واضح يشرح كلّ شي.

ولو على التطبيق أيّ غبار، ما كان طلع للعلن أصلاً - اسأل أيّ مبرمج تطبيقات وبيأكّدلك.

فقط: الاسم · رقم السيّارة · صورة السيّارة · معلومات السيّارة (موديل، نوع، سنة) - لا غير.

ورقم الهاتف يظهر فقط في حال أُسنِدت لك رحلة، أو قبلت رحلةً من زميل.

في حال كنت مشغولاً ومعك زبائن، وعندك رحلاتٌ أخرى - من باب الاحترافيّة ما تقدر تتّصل بزميلك لتطمئن عليه (وصل أو لأ).

الشير لينك يحلّها: تبعته لزبونك الآخر، يتابع الرحلة لحظيّاً، وإنت تختار هل يظهر رقم هاتف زميلك أو لا.

① اضغط "رحلة جديدة": ضع موقع زبونك (بحث جوجل، أو جوجل لينك، أو من الخريطة، أو مواقعك المحفوظة، أو المواقع العامّة اللي حطّيناها).

② حدّد (اختياري): نقطة النهاية · السعر · طريقة الدفع.

③ اختر لمن تنشر: الجميع، أو مفضّليك، أو مجموعة معيّنة (مجموعة المسافر، مجموعة الكامري، شباب VIP...). الكلّ، أو بعضهم، أو أشخاص محدّدين.

④ خيار للمفضّلين: تقدر تبعت للأهمّ حتى لو مش متاحين - لو حابب تخصّص شغلك للأهمّ. هذا يعود لك.

⑤ انشر: النشرة تنزل للقريب فعليّاً من الرحلة، والمتوافق مع نوع السيّارة (سيدان، ميني فان، لوكجري، لوكجري ميني فان).

عندك خياران ليوصلك الشغل:

① اعمل نفسك متاح: تحدّد كلّ كم ياخذ موقعك ومدّة الإتاحة - ويوصلك شغل قريب منك.

② وجهتي القادمة: تحدّد نقطتك وكم بدّك فيها - ويوصلك شغل قريب من وجهتك.

بأيّ طريقة من الطريقتين، توصلك رحلات قريبة منك ومتناسبة معك.

عندك خيارين:

① اعمل نفسك متاح: فعّل "متاح" وحدّد كل كم وقت يُؤخذ موقعك، وكم مدّة الإتاحة. توصلك الرحلات القريبة منك والمتناسبة مع سيّارتك مباشرة.

② أو "وجهتي القادمة": حدّد نقطتك والوقت اللي بدّك فيها. يوصلك شغل قريب من وجهتك القادمة - قبل ما توصل.

بالطريقتين، الرحلات اللي توصلك تكون قريبة منك ومتناسبة معك - مش فوضى عشوائيّة زي المجموعات.

المهتمّ يبعتلك "أنا مهتمّ"، وإنت تختار حسب الوقت والمسافة من نقطة بداية رحلتك. وفيه 3 أنظمة ذكيّة مش موجودة بالواتس:

🎯 نظام القريبين فعليّاً: يعرضلك مين قريب حتى لو ما اهتمّ - بالواتس فيه ناس كاتمين المجموعات وما بيشوفوا. هون تتواصل معه مباشرة وتعرض رحلتك عليه.

🚗 نظام الوجهة القريبة: يعطيك السائقين اللي عندهم رحلة ووجهتهم قريبة لنقطة بدايتك - بالواتس السائق مشغول ما بيتابع.

📍 نظام الوجهة الثابتة: اللي حطّوا وجهة ثابتة من خدمة "وجهتي القادمة" (نشرحها بسؤال منفصل).

⏳ خيار أخير: لو ما لقي حدا - يعطيك مين كان بالمنطقة آخر نصف ساعة لساعة، وممكن يفيدك.

عند إسناد رحلةٍ لزميل، تحدّد قيمة الرحلة ونوع الدفع:

• نقدي من الزبون
• نقدي من السائق
• ذمم (تحديد مدّة)
• نقدي مع الزبون

بعض الشباب بياخدوا عمولات بينهم - فيه مكان يحطّوا العمولة (نسبة أو مبلغ ثابت).

المهتمّ له الخيار: القبول أو الاعتذار. عند القبول والبدء، يظهرله شاشة توجّهه للموقع، ويظهرلك شاشة تتابع فيها (كم بعده، وين صار) مع الشير لينك. ولو إنت مشغول، بضغطة زرّ يظهر رقم اللي استلم الرحلة للزبون - وإنت مرتاح ومطمئن.

هي نفسها فكرة "الثوابت" اللي كنت تنشرها على المجموعات - بس منظّمة وبدون إزعاج.

بدل ما تنشر ثابتك على عشر مجموعات وما حدا يستفيد صح، تسجّله مرّة وحدة: وجهتك + الوقت + المدّة. أيّ زميل قريب من وجهتك عنده رحلة - يوصلك العرض قبل ما توصل!

طالما إنت متاح ومتحرّك ما بتحتاجها. بس لو قاعد بمكان وقت طويل - حدّد مدّة جلوسك ووجهتك، بدل ما الإتاحة تضل شغّالة وتستهلك بطّاريتك.

أغلب الزملاء بيركنوا على التطبيقات والمجموعات - سواء بدّهم يُسندوا أو يستقبلوا. التطبيقات عدّتنا، بس إحنا لسّا على الوضع القديم، ومشاكل كثيرة صارت: سائق بعيد بياخد رحلة، مجموعات تحوّلت لدردشة وفوضى.

ليمو-جو يرتّب هاللخبطة - تنسيقٌ منظّم، احترافيّ، ويحفظ القطاع.

حلو كثير! خلّيهم يسجّلوا، واعمل مجموعة مفضّلين خاصّة فيك، وأسنِد إلهم مباشرة. شغلكم بيصير منظّم وسريع وبينكم وحدكم.

لا يوجد. وقانونيّاً - لو حتى بدّنا نفكّر - يمكن ما يسمحوا للتطبيق يشتغل. عشان ننهي الجدل عند ناسٍ كثيرين ونقطع الطريق: مجاناً بالكامل، نقطة.

قد نقدّم خدمات إدارة أسطول (Fleet) اختياريّة للفرق مستقبلاً، لكن لن ندخل على الرحلات نفسها ولن نأخذ منها عمولة. أبداً.

التشهير مش حلو. بدلها، ابعتله ملاحظة بينك وبينه. ولو غلطته كبيرة وما يستحقّ يكون بالمنصّة - تقدر تبلّغ.

إحنا ناخذ إجراءاتنا، نفهم من الطرفين عشان ما ينظلم حدا، وناخذ الإجراء المناسب حسب الغلطة.

نظام التقييم عندنا يختلف عن التطبيقات: بفيدك وبينصحك لو أخطأت - مش بقيّدك ولا بينهي عضويّتك من أوّل غلطة. مكاننا للمحترمين، واللي بيحترموا بعضهم.